Attraksjonsverdi i dag
• Kulturlandskapet på Sletta har høg verdi, særleg sett i samanheng med Lygra og lyngheilandskapet i mellom desse.
• Det er heilt sentralt at ein blir møtt av jordbrukslandskapet ved anløp til Sletta.
• Kontakten med Amerika førte til etablering av Vestnorsk Utvandrarsenter på Sletta i 1997. På dugnad har senteret demontert og gjenoppført Bramton Lutheran Church. Ei kyrkje reist av norske utvandrarar i Brampton, Nord-Dakota. Kyrkja vart innvigd på nytt på Sletta i 1996. Nær kyrkja er det oppført fleire bygg frå Nord-Dakota.

Positivt:
Opent kulturlandskap synleg frå leia. Lun hamn nær eit attraktivt øymiljø i aust. Fint naustmiljø innerst i Ystebøvågen. Fleire fine gardstun langs vegen. Verneverdig forsamlingshus. Bilveg til sjøen, brygge, daglegvarehandel, pub og bensin. Kyrkja ligg fint eksponert i landskapet. Vestnorskutvandringssenter er eit populært besøksmål.

Negativt:
Skjemmande bygg ved dampskipskaia.Uheldig utbetring av enkelte hus (tilbygg,
vindauge, fasadematerialar).

Formidlingsprofil:
Kulturlandskap og utvandring.
Kulturlandskap med gardsbusetnad. Utvandring til og kontakt med Amerika førte til nye impulsar og auka velstand som blei investert i nye bustader på gardane. Amerikafararar bygde nye hus for pengar dei hadde tent. Bedehus og dugnadsand.


PLAN- OG TILTAKSPROGRAM:
Kommunedelplan for heile kjerneområdet som sikrar:
• Kulturlandskapet
• Arealbruk for utvikling av området som eit kjerneområde i Den indre farleia.
• Skape ein tydelegare samanheng mellom damskipskaia og utvandrarmuseet/kyrkja.
• Ta vare på kvalitetane i kulturlandskapet. Nye bygg må passast inn i den eksisterande tunstrukturen.
• Vidare utvikling av Vestnorsk utvandringssenter. Vern av Indremisjonens bedehus.


Planarbeidet må og ta opp og skape heimel for aktuelle tiltak som:

Fysisk tilrettelegging av området som anløpstad:
• Oppruste dampskipskaien for anløp av veteranbåtar og andre fjordcruise skip.
• Gjestebryggje for fritidsbåtar.
• Servicebygg med WC

Fysisk tilrettelegging av området som Innfallsport til Den indre farleia frå landsida.
• Busshaldeplass
• Parkeringsplass for privatbilar

Formidling og informasjon:
• Informasjon om Den indre farleia med sentralt plassert informasjonstavle.

Potensiell næringsutvikling.
• Servicebygg m/gjestebryggje
• Båtutleige
• Overnatting
• Formidling av historia på staden.
• Landbrukstradisjonar
• Handverk

Bygningsstrukturen på Sletta er lagt langs riksvegen på ein svært kartakterisk måte. Kan det kallast for det lengste (2km) rekkjetunet på Vestlandet?