Attraksjonsverdi i dag
• På grunn av tidevasstraumane ut og inn til Lurefjorden dannar det seg kraftig straum her, som er ein viktig del av landskapskvalitetane i området. Straumane, øyane og oppleving av ope hav i Fensfjorden gjer at området har stor inntrykksstyrke.
• Handels og gjestgjevarstaden står her framleis, og vert driven som gjestgjevarstad. Eit naust og eit sjøhus er og igjen av det gamle bygningsmiljøet.

Positivt:
Den gamle gjestgivarbygningen med sjøhus er bevart og framleis i drift som gjestgjevarstad. Lett tilgjengeleg med bil. Brygge for båtar. Populær fiskeplass. Flott utsikt ut over Fensfjorden. Trollholmen er urørt og har bevart fleire fortøyingsringar markert med ein malt ”blink” på fjellet.

Negativt:
Utbygging av feriebustader har ikkje i tilstrekkeleg grad teke omsyn til særpreget på staden. Utfylling i sjøen har endra topografien og strandkanten. Feriehusa er bygd etter rorbuprinsippet som passar dårleg inn i dette miljøet. Når bygningane har ei særs svak tilpassing til landskapet blir resultatet heller dårleg. Vegbrua dominerer og er eit landemerke i landskapet. Det gror att med gran på holmane og langs vegen.

Rett nord for Kjelstraumen ligg Vardetangen. Dette er eit godt eksponert område ved innseglinga til farleia som blir nytta til friluftsformål. Området er regulert til industri. Ei sterk utbygging som eksponerer seg mot Den indre farleia, kan verke svært negativt for ei heilskapleg oppleving.

Formidlingsprofil:
Venteplass og gjestgjevarstad knytt til farleg sund med straumar og oppleving av ope hav.


PLAN- OG TILTAKSPROGRAM:
Kommunedelplan som har som hovudmål å skape ein heilskapleg attraksjon av enkeltelementa i området slik at det vert ein tydeleg samanheng mellom området ved gjestgjevarstaden og Kjelstraumen, kanskje med tilknyting til turområde i nærleiken. Aktuelle tema i planarbeidet er:

Fysisk tilrettelegging av området som anløpstad:
• Oppruste dampskipskaien for anløp av veteranbåtar og andre fjordcruise skip.
• Gjestebryggje for fritidsbåtar.
• Servicebygg med WC

Fysisk tilrettelegging av området som innfallsport til Den indre farleia frå landsida.
• Busshaldeplass
• Parkeringsplass for privatbilar

Formidling og informasjon:
• Informasjon om Den indre farleia med sentralt plassert informasjonstavle.
• Etablere museum/utstilling om mattradisjon med oversyn over kulturhistoriske plassar det er mogeleg å få bevertning i sjøhus/naust. Kan skje i samarbeid med det lokale sogelaget.

Reguleringsplan og andre plantiltak:
• Regulere gjestgjevarstaden i og sjøhus/naust til spesialområde vern.
• Sikre Trollholmen mot utbygging.
• Hindre skjemmande utbygging av spreidd busetnad i strandsona på Ulvøy og Utkilen
• Sikre at det ikkje vert skjemmande industrietablering på Vardetangen som er svært eksponert mot innseglinga til Den indre farleia.
• Sikre landskapskvalitetane i området gjennom kommunedelplanen.

Andre aktuelle tiltak:
• Tynne/fjerne vegetasjon langs vegen og på Trollholmen.
• Opparbeide fiske sti langs sjøen.

Potensiell næringsutvikling.
• Båtutleige
• Formidling av historia på staden.
• Handverksprodukt
• Havoppleving med ulike farkostar.